Interreliéist Gebiet fir de Fridden am Südsudan an am Kongo

Klickt op d’Foto, fir d’Billergalerie ze kucken

De Poopst Franziskus hat fir den 23. Februar 2018 zu engem Dag vu Gebiet a Faaschten op, a Solidaritéit mat den Awunner aus de Krisegebidder am Südsudan an an der Demokratescher Republik vum Kongo. Dat grousst Uleies vum Weltfridden gouf och zu Lëtzebuerg opgegraff mat engem interreliéisem Gebiet fir de Fridden an der Häerz-Jesu-Kierch, wou sech an der Mëttesstonn ronn 130 Leit afonnt haten.... Op dësem weltwäite Gebietsdag fir de Fridden gouf eis Solidaritéit mat de Mënschen an Afrika nei thematiséiert, fir zesumme fir eng méi friddlech a gerecht Welt anzestoen.

Invitéiert op dëst Gebiet haten nieft der kathoulescher Kierch Reech eng Hand, Justice et Paix, Caritas a partage.lu.